Թեհրանն այս պահին չի պլանավորում նոր ռազմական գործողություններ իրականացնել Իսրայելի դեմ։ Այդ մասին հայտարարություն է տարածել Իրանի ազգային անվտանգության բարձրագույն խորհրդի քարտուղարությունը։
Հայտարարության մեջ նշվում է, որ Իրանը ձեռնարկել է բացառապես անհրաժեշտ պատժիչ միջոցներ՝ հարձակվելով Իսրայելի հետախուզական և ռազմական բազաների վրա և խուսափելով կրիտիկական ենթակառուցվածքի օբյեկտներին հարվածելուց։
«Ներկայում Իրանը չի նախատեսում նոր ռազմական միջոցներ ձեռնարկել»,- ասված է հայտարարության մեջ, որը տարածել է Իրանի IRIB պետական հեռուստաալիքը:
Հայտարարության մեջ նշված է, որ Իրանի «Ճշմարիտ խոստում» գործողությունը նպատակաուղղված է եղել ազգային շահերի պաշտպանությանը: Ընդգծվում է, որ Իսրայելը կոշտ պատասխան կստանա, եթե շարունակի գործել Իրանի դեմ։
