բավ է պառակտվել
23-08-2020 17:00

Քանյե Ուեսթը Լուիզիանայում ներկայացրել է ԱՄՆ նախագահական ընտրություններին մասնակցելու համար փաստաթղթերը

Ամերիկացի ռեփ կատարող Քանյե Ուեսթը ԱՄՆ նախագահի թեկնածու գրանցվելու համար փաստաթղթերը ներկայացրել է Լուիզիանա նահանգում: Այս մասին շաբաթ օրը հայտնել է Associated Press (AP) գործակալությունը:

Գործակալության տվյալներով՝ ռեփերը պահանջվող փաստաթղթերը ներկայացրել է անցած ուրբաթ։ Նա ներկայացնելու է BDY կուսակցությունը (Birthday Party, ինչը կարելի է թարգմանել որպես «Ծննդյան օրվա կուսակցություն» կամ «Ծննդյան երեկույթ»): Նրանից բացի, մինչև թեկնածու գրանցվելու համար փաստաթղթեր ներկայացնելու վերջնաժամկետը՝ ուրբաթ ժամը 16: 30-ը (Մոսկվայի ժամանակով 00: 00-ն) Լուիզիանայում գրանցվել է ևս 10 թեկնածու։

AP- ն նշել է, որ Լուիզիանայում որպես նախագահի թեկնածու գրանցվել ցանկացողները կարիք չունեն հավաքել իրենղ աջակցող ընտրողների ստորագրություններ, ինչը նախատեսված է ամերիկյան նահանգների մեծ մասի օրենսդրությամբ: Գրանցվելու համար պարզապես անհրաժեշտ է հավաքել փաստաթղթերի փաթեթը և վճարել $ 500 տուրք:

Ավելի վաղ Ուեսթը Forbes ամսագրին տված հարցազրույցում խոստովանել էր, որ իր մասնակցությունը ԱՄՆ նախագահական ընտրություններին դատապարտված է ձախողման: Միևնույն ժամանակ, ռեփերը չէր ժխտել, որ նա, փաստորեն, խլում է աֆրոամերիկացիների ձայները ԱՄՆ նախկին փոխնախագահ և բարձրագույն պետական պաշտոնի Դեմոկրատական կուսակցության թեկնածու Ջոզեֆ Բայդենից, այսպիսով նվազեցնելով հաղթելու նրա շանսերը: Նախկինում երաժիշտը հաջողությամբ գրանցվել էր որպես թեկնածու Արկանզաս, Կոլորադո, Յուտա, Օկլահոմա և Վերմոնտ նահանգներում:

Հուլիսի 4-ին Ուեսթը գրառում էր կատարել Twitter-ում, որ մտադիր է առաջադրվել Միացյալ Նահանգների նախագահի պաշտոնում: Հուլիսի 8-ին Forbes- ին տված հարցազրույցում կատարողը պարզաբանել էր, որ նախատեսում է մասնակցել այս տարվա ԱՄՆ-ի նախագահական ընտրություններին որպես անկախ թեկնածու: Ուեսթը նշել էր, որ այլևս չի պաշտպանում ամերիկյան ներկայիս առաջնորդ Դոնալդ Թրամփին, ում աջակիցում էր վերջին տարիներին :

ԱՄՆ հերթական նախագահական ընտրությունները նշանակված են նոյեմբերի 3-ին:Դեմոկրատների թեկնածուն կլինի Բայդենը, իսկ հանրապետականներինը՝ Թրամփը:

Քանյե Ուեսթը ներկայացրել է ԱՄՆ նախագահական ընտրություններին իր մասնակցության մանրամասները
Բայդենը վստահ է, որ կհաղթի, Թրամփը նույնպես
ԱՄՆ նախագահական ընտրություններ. հակիրճ՝ հիմնականի մասին
Արցախում մեկնարկել է նախագահական ընտրությունների 2-րդ փուլը
Ցանկանում եմ, որ հաջորդ նախագահն իր առաքելությունը կատարի պատասխանատվությամբ. Բակո Սահակյան