Եվս մեկ պատգամավոր լքել է «Բարգավաճ Հայաստան» կուսակցության խմբակցության շարքերը: Պատգամավոր և գործարար Կարո Կարապետյանը ԲՀԿ խմբակցության շարքերից դուրս գալու մասին դիմում է ներկայացրել: Նա հասցեագրել է համապատասխան դիմումը Հայաստանի խորհրդարանի խոսնակ Գալուստ Սահակյանին: Կարապետյանը նշել է, որ աննպատակահարմար է համարում «մասնակցել ԲՀԿ-ի կողմից նախաձեռնվող գործընթացներին, որոնք հանգեցնում են ներքաղաքական լարվածության և չեն բխում ազգային անվտանգության շահերից»: Ելնելով դրանից՝ Կարապետյանը որոշել է դադարեցնել ԲՀԿ-ի խմբակցությունում իր անդամակցությունը և շարունակել գործունեությունը որպես անկուսակցական պատգամավոր: