Չինաստանը կոչ է անում Ադրբեջանին և Հայաստանին խուսափել տարածաշրջանում իրավիճակի հետագա սրումից, հայտարարել է ճեպազրույցին ՉԾՀ ԱԳՆ պաշտոնական ներկայացուցիչ Վան Վենբին։
«Հուսով ենք, որ կողմերը կհետևեն հրադադարի շուրջ ձեռք բերված պայմանավորվածություններին և կխուսափեն իրավիճակի հետագա սրումից»,– Վան Վենբինի խոսքերն է մեջբերում ՌԻԱ Նովոստի գործակալությունը։
Նա նշել է, որ Հայաստանը և Ադրբեջանը Չինաստանի համար բարեկամական երկրներ են։
Չինաստանի ԱԳՆ ներկայացուցիչը հույս է հայտնել, որ Երևանը և Բաքուն հնարավորություններ կգտնեն՝ տարաձայնությունները լուծելու քաղաքական երկխոսության շրջանակում: