Ադրբեջանը փորձելու է քայլեր ձեռնարկել և հայտարարություններ անել Հայաստանում ընտրական գործընթացի վրա ազդելու համար, հայտարարել է ՀՀ նախկին նախագահ Ռոբերտ Քոչարյանը «Հայաստան» դաշինքի ասուլիսի ժամանակ»:
«Ադրբեջանում այս օրերին հնչեցված բոլոր հայտարարությունները պետք է դիտել Հայաստանում ներքաղաքական պրոցեսների համատեքստում: Այս տեսակետից մենք պետք է ամեն ինչ անենք, որ մեր ներքաղաքական օրակարգը չթելադրվի Ադրբեջանի կողմից»,- հայտարարել է նա։
Քոչարյանը ասել է, որ չի կասկածում, թե ինչ նախապատվություններ ունի Ադրբեջանը գալիք ընտրությունների կոնտեքստում, ում նա կուզի տեսնել Հայաստանի ընտրված վարչապետ։ Նա չի բացառել, որ Ադրբեջանը կարող է հայտարարություններ անել և այլ գործողություններ ձեռնարկել։