Գերմանիայի մարդու իրավունքների հանձնակատար Լուիզա Ամտսբերգը կոչ է արել հնարավորինս շուտ վերականգնել ազատ տեղաշարժը Լաչինի միջանցքով։
«Մարդկանց, տրանսպորտային միջոցների և ապրանքների ազատ տեղաշարժը Լաչինի միջանցքով պետք է հնարավորինս շուտ վերականգնվի, հակառակ դեպքում մեծանում է Լեռնային Ղարաբաղի քաղաքացիական բնակչության համար լուրջ մարդասիրական հետևանքների վտանգը: Ադրբեջանի և Հայաստանի միջև երկխոսությունն ու խաղաղ բանակցությունները պետք է շտապ ուշադրության արժանանան»,- գրել է նա Twitter-ի իր միկրոբլոգում։