ՌԴ արտգործնախարար Սերգեյ Լավրովը ԱՄՆ պետքարտուղար Ջոն Քերրիի հետ հանդիպման ժամանակ հայտրարեել է, թե Ռուսաստանի վրա ճնշում գործադրելու փորձերն անհեռանկար են, եւ հարաբերությունները կարող են զարգանալ միայն իրավահավասար հիմունքներով: Հռոմում երկու արտգործնախարարների հանդիպման արդյունքների վերաբերյալ հաղորդագրությունը տեղադրված է Ռուսաստանի ԱԳՆ-ի Facebook-յան պաշտոնական էջում:
«Ուկրաինայի հարավ-արեւելքի իրավիճակի համատեքստում շեշտվել է Մինսկի պայմանավորվածությունների հետեւողական կատարման անհրաժեշտությունը եւ այդ նպատակով կոնտակտային խմբի հանդիպման շուտափույթ գումարում: Երկկողմ հարաբերությունների քննակման ժամանակ Լավրովն ընդգծել է, որ դրանց զարգացումը հնարավոր է միայն իրավահավասար եւ շահերը փոխադարձ հաշվի առնելու հիմունքներով, իսկ Ռուսաստանի վրա ճնշում գործադրելու փորձերն անհեռանկար են», - ասվում է հաղորդագրությունում:
Լավրովն ու Քերին քննարկել են նաեւ միջազգային այլ խնդիրներ: Կարծիքներ են փոխանակվել արդիական միջազգային խնդիրների վերաբերյալ՝ ներառյալ պաղեստինա-իսրայելյան խաղաղ գործընթացին նոր ազդակ հաղորդելու անհրաժեշտությունը, Սիրիայի հիմնախնդրի կարգավորումը եւ համընդհանուր համաձայնագրի մշակումը Իրանի միջուկային ծրագրի վերաբերյալ:
Այս տարվա ընթաքում Լավրով-Քերրի 17-րդ հանդիպումը տեղի է ունեցել Իտալիայում ամերիկյան դեսպանի նստավայրում եւ տեւել է երեք ժամ:
Բավ է պառակտվել