Բավ է պառակտվել
03-09-2019 18:57

<<Մենք շատ տեղեր ունենք, որոնք այլևս խոցելի չեն>>. Դավիթ Տոնոյան


Պաշտպանության նախարար Դավիթ Տոնոյանը հերքեց, այն խոսակցությունները՝ թե ԱՄՆ կառավարությունը ՀՀ իշխանությունների առջև պահանջ է դրել՝ հանել հայկական զորախումբը Սիրիայից: Ասաց, որ իրականությանը չեն համապատասխանում այդ խոսակցությունները:
<< Որևէ քննարկում չի եղել այդ թեմայով և հայկական զորախումբը շարունակում է հումանիտար գործողությունները Սիրիայում>>, - ասաց Տոնոյանը։
Նախարարը անդրադարձավ նաև Հայաստանում զենքի մատակարարման մրցույթի տապալման գործով հարուցված քրեական գործին, որին մասնակցել է ռուսական «Օրսիս» ընկերությունը:
Հիշեցնենք,որ Հայաստանում քրեական գործ է հարուցվել զենքի մատակարարման մրցույթի տապալման համար, որին մասնակցել է ռուսական ընկերություն:
Իսկ ընկերությունը <<Պրոմտեխնոլոգիա>> խմբի մաս է կազմում և տարիներ շարունակ Երևանին մատակարարել է զենք, փամփուշտ և օպտիկական սարքավորումներ: Ընկերության ներկայացուցիչը հայտարարել էր, որ իրենք այժմ «սև ցուցակում» են:
Տոնոյանը նշեց,որ այս պահին քրգործ է հարուցված, նախաքննություն է իրականացվում, հետևաբար որևէ մեկնաբանություն իր կողմից ճիշտ չի լինի:
Հարցին, թե ինչու է այդ գործով անցնող բարձրաստիճան սպան շարունակում ծառայությունը, նախարարը պատասխանեց. <<Որովհետև իր մեղավորությունը որևէ ձևով չի հաստատվել դեռևս>>:
Պաշտպանության նախարար Դավիթ Տոնոյանը խոսեց նաև ՀՀ ԶՈՒ գլխավոր շտաբի պետի փոփոխության մասին,ասց որ փոփոխություն չի լինելու։
Դիտարկմանը, թե այդ պաշտոնին նշանակվելու համար շրջանառվում է Պաշտպանության նախկին փոխնախարար Վաղարշակ Հարությունյանի անունը, Տոնոյանն արձագանքեց. <<Ով որ շրջանառում է, իրենց հարց տվեք>>։ Անդրադառնալով ԱԺ նախագահ Արարատ Միրզոյանի հայտարարությանը, թե հակառակորդն այլևս չի կարող գնդակոծել Տավուշի մարզի սահմանամերձ Չինարի գյուղը, ՀՀ պաշտպանության նախարարն ասաց. <<Մենք շատ տեղեր ունենք, որոնք այլևս խոցելի չեն>>։

 

Արմինե Գևորգյան

Ես հրաժարական չեմ տալիս,ԱԱԾ նախկին տնօրենն էլ իմ ընկերն է․Դավիթ Տոնոյան
«Հաշվեք՝ ապրիլյան պլյուս» ․նախարարը զորավարժությունների մասին (Լուսանկարներ)
Դավիթ Տոնոյան․ «Այնպես չե, որ մենք չենք սպասում հրամանի» (Տեսանյութ)
Պատրոն Դավոն որպես մեղադրյալ է ներգրավվել
Դավիթ Տոնոյանը պատմել է Հայաստանի կողմից ձեռքբերվող լավագույն զենքի մասին