ՀՀ Ազգային ժողովի նախագահ Ալեն Սիմոնյանը հայտարարեց Հայաստանի և Ադրբեջանի միջև խաղաղության պայմանագրի որոշ հարցերի շուրջ կոնսենսուսի մասին։
Միաժամանակ, պատասխանելով լրագրողների հարցերին, Սինոնյանը չմանրամասնեց, թե ինչի մասին է խոսքը։ «Չեմ կարող բարձրաձայնել, բայց կարող եմ ասել, որ դրանք միջազգայնորեն ճանաչված սկզբունքներ են»,- ասաց նա՝ նշելով, որ պայմանագրով «Հայաստանի պետականության, ինքնիշխանության, տարածքային ամբողջականության տակ ականներ չեն կարող դրվել»։
Ինչ վերաբերում է Արցախի ապագային, Սիմոնյանը նշեց, որ այդ հարցը երկու երկրների պայմանագրի մեջ պետք է որևէ ձևով արտահայտված չլինի։
Սիմոնյանը հայտնեց, որ Հայաստանը դեռ պատասխան չի ստացել Ադրբեջան ուղարկված փաստաթղթի վերջին տարբերակի վերաբերյալ։
«Այս պահին ես այս պահին տեղեկություն չունեմ արձագանքի մասին, ինչ վերաբերում է հնարավոր հանդիպումների քննարկմանը, ապա դրանք անընդհատ ընթանում են և բոլոր հնարավոր վայրերից անընդհատ առաջարկներ են ստացվում»,- ասաց Սիմոնյանը։