Հայաստանի վարչապետ Նիկոլ Փաշինյանը հայտարարել է, որ երկրում ժողովրդավարության բացակայության պատճառով միայն մի քանի հոգի գիտեին Ղարաբաղի հարցի մասին ճշմարտությունը։
«Հայաստանում երկար տարիներ ժողովրդավարության բացակայությունը կամ ժողովրդավարության նկատմամբ վերաբերմունքը գործիք է ծառայել, որպեսզի Լեռնային Ղարաբաղի հարցի մասին ճշմարտությունը բոլորին հասանելի չլինի․ սա շատ կարևոր է նշել։ Ես, իհարկե, չեմ ուզում քաղաքական բանավեճ հարուցել, բայց այն մոդելը, որ Ղարաբաղի հարցի մասին փորձագետի մակարդակով տեղյակ են ընդամենը մի քանի հոգի, դրա ամենավառ ապացույցն է»,- չորեքշաբթի օրը ասաց Փաշինյանը Երևանում ընթացող Ժողովրդավարության հայկական ֆորումի ժամանակ։
Նա նշեց, որ ամենամեծ խնդիրը, որի հետ բախվել է, հենց դա է»,- նշեց նա։ «Սա է պատճառը, որ հիմա՝ ժողովրդավարության պայմաններում է, որ նոր տեղեկություններ են իմանում ԼՂ հարցի մասին, հայտնի բառերի նոր իմաստներ և ենթատեքստեր են վերհանում»,- ասաց Փաշինյանը։
