Հայաստանի ԱԳ նախարարությունը մտահոգված է այն փաստով, որ Լեռնային Ղարաբաղում ՌԴ խաղաղապահ զորախմբի ծառայողները չեն թույլատրել ՀՀ Ազգային ժողովի մի խումբ պատգամավորների մուտքը Լեռնային Ղարաբաղ:
«Նշված գործողությունը հակասում է 2020թ. նոյեմբերի 9-ի եռակողմ հայտարարությանը, որով նախատեսվում է Լաչինի միջանցքով Լեռնային Ղարաբաղի անխափան կապը Հայաստանի հետ: Հայտարարության բոլոր կողմերը պետք է խստորեն հետևեն դրա տառին և ոգուն, ինչպես նաև իրականացնեն ստանձնած պարտավորությունները»,- ասվում է գերատեսչության հայտարարությունում։
Երեքշաբթի ավելի վաղ հայտնի դարձավ, որ ռուս խաղաղապահները թույլ չեն տվել մի խումբ ընդդիմադիր պատգամավորների մուտք գործել Արցախի Հանրապետության տարածք։ Այս առնչությամբ Հայաստանի Ազգային ժողովի փոխնախագահ Իշխան Սաղաթելյանը հայտարարեց, որ «գաղտնազերծվում է Նիկոլ Փաշինյանի և Իլհամ Ալիևի հերթական հանցավոր պայմանավորվածությունը, որոնք «անցակետ են Արցախ մեկնող քաղաքական գործիչների անունները, պահանջելով թույլ չտալ նրանց մուտքն Արցախ»։
Ապրիլի 12-ի առավոտյան խորհրդարանական «Հայաստան» և «Պատիվ ունեմ» ընդդիմադիր խմբակցությունները բոյկոտեցին խորհրդարանի այս շաբաթվա նիստերը և հայտարարեցին, որ գնալու են Արցախ և Հայաստանի սահմանամերձ շրջաններ, որտեղ «երկրի իրական օրակարգն է».
«Քաղաքացիական պայմանագիր» իշխանական խմբակցության պատգամավոր Վահագն Ալեքսանյանը խորհրդարանի ամբիոնից հանեց Արցախի դրոշը, որը մինչ այդ տեղադրել էր «Հայաստան» ընդդիմադիր խմբակցության ղեկավար Սեյրան Օհանյանը։