ՌԴ փոխարտգործնախարար Ալեքսանդր Գրուշկոն «մեծ ֆանտազիաներ» է անվանել ԵՄ-ում Հայաստանի՝ ՆԱՏՕ-ին անդամակցելու անհրաժեշտության մասին հայտարարությունները։
Երկուշաբթի ՆԱՏՕ-ի Եվրոպական զարգացման կոմիտեի նախագահ Գյունտեր Ֆելինգերը կոչ է արել Հայաստանին միանալ Հյուսիսատլանտյան դաշինքին։ Նույն օրն ավելի ուշ Հայաստանի փոխարտգործնախարար Վահան Կոստանյանն ասել է, որ ոչ ոք Հայաստանին կոչ չի արել միանալ դաշինքին, սակայն երկիրը տարբեր ձևաչափերով համագործակցում է ՆԱՏՕ-ի հետ և պատրաստ է շարունակել այդ գործընթացը։
«Դրանք մեծ ֆանտազիաներ են, Հայաստանը ՀԱՊԿ անդամ է, և մենք ելնում ենք իրականությունից»,- ՏԱՍՍ-ին ասել է նա։
Գրուշկոն ընդգծել է, որ Մոսկվան և Երևանը «կշարունակեն ամրապնդել ռազմական և քաղաքական համագործակցությունը»։
«Հայաստանը մեր դաշնակիցն է, և անվտանգության ոլորտում մենք հույսը դնում ենք միմյանց վրա։ Եվ ես համոզված եմ, որ այս կոնստանտը որոշիչ է լինելու մեր երկկողմ հարաբերություններում տարիներ և տարիներ»,- ամփոփել է բարձրաստիճան դիվանագետը։
