Հայ-չեխական հարաբերությունները զարգացման հեռանկարներ ունեն, հայտարարել է Հայաստանի պաշտպանության նախարար Դավիթ Տոնոյանը չեխ գործընկեր Լյուբոմիր Մետնարի հետ ռազմական ոլորտում երկու երլրների միջև համագործակցության 2019 թվականի ծրագրերի ստորագրունից հետո։
“Փաստաթղթով կարգավորվում են երկկողմ հետաքրքրություն ներկայացնող ոլորտները, գործընկերության ձևաչափը և կանոնակարգը։ Ծրագիրը համագործակցության նոր հեռանկարներ է բացում ռազմատեխնիկական և ռազմաարդյունաբերական ոլորտներում”,-ասել է Տոնոյանը երեքշաբթի չեխ գործընկերոջ հետ հանդիպումից հետո կայացած համատեղ ասուլիսին։
Ըստ նախարարի, համագործակցությունը զարգանում է խաղաղապահ գործողություններին, ռազմական ոստիկանությանը, ռազմաքաղաքական երկխոսությանը և տեղեկությունների փախանակմանն առընչվող ոլորտներում։
Ինչպես նշել է Տոնոյանը, չեխ գործընկերոջ հետ քննարկվել են նաև երրկող հարաբերություններին վերաբերող հարցերի լայն շրջանակ։
“Արձանագրել ենք քաղաքական հարաբերությունների բարձր մակարդակը և ընդհանուր մոտեցումները տարածաշրջանային և միջազգային հարցերում”, - ասել է նա:
Նշելով, որ Երևան կատարած այցի շրջանակներում նախատեսվում է հանդիպում Հայաստանի վարչապետի և Ազգային ժողովի պատգամավորների հետ, Մետնարը կարևորել է ստորագրված համաձայնագրերը և երկկողմ հարաբերությունների նոր օրակարգի ստեղծումը: