Ուկրաինայի խաղաղ բնակչությանը ոչինչ չի սպառնում. ռուսական զորքերը չեն կրակում քաղաքների, այլ միայն ռազմական օբյեկտների ուղղությամբ։ Այս մասին հինգշաբթի օրը կայացած ճեպազրույցում հայտարարել է ՌԴ պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը։
- Ուկրաինայի զինված ուժերի ստորաբաժանումները (ՈւԶՈւ) շարունակում են գնդակոծել Դոնբասի խաղաղ քաղաքները։ Դոնեցկի և Լուգանսկի ժողովրդական հանրապետությունների խաղաղ բնակչության շրջանում կան զոհեր։
Ռուսաստանի զինված ուժերի կողմից կրակային աջակցությունն իրականացվում է ԴԺՀ-ի և ԼԺՀ-ի զինված ուժերին :
Ուկրաինական բանակի պաշտպանությունը ճեղքված է։
Ուկրաինացի սահմանապահները դիմադրություն չեն ցույց տվել, բազմաթիվ զինծառայողներ լքել են դիրքերը։
Ռուսաստանի նախագահ Վլադիմիր Պուտինը հինգշաբթի առավոտյան հեռուստաուղերձում ասել է, որ ի պատասխան Դոնբասի հանրապետությունների ղեկավարների կոչին հատուկ ռազմական գործողություն իրականացնելու որոշում է կայացրել։ Ռուսաստանի առաջնորդը շեշտել է, որ Մոսկվայի ծրագրերում ներառված չէ ուկրաինական տարածքների օկուպացիան։