Բա՛վ է պառակտվել
09-10-2019 20:28

«Հարավկովկասյան երկաթուղիների» ընկերության հետ պայմանագիրը խզելու հարց օրակարգում չկա․փոխվարչապետ

Ռուսաստանից գնվող գազի սակագինը բաղկացած է առնվազն 3 կարևորագույն, ֆունդամենտալ բաղադրիչներից` գինը` սահմանին, հայկական «Գազպրոմ Արմենիայի» ներդրումային ծրագիրը և վերջինիս ընթացիկ ծախսերը։ Այս մասին այսօր «Ի՞նչ անել-2 տնտեսական հեղափոխություն. ընկալումը և գործարկումը» գիտագործնական խորհրդաժողովի ընթացքում լրագրողների հետ զրույցում ասաց ՀՀ փոխվարչապետ Մհեր Գրիգորյանը` անդրադառնալով գազի սակագնի հնարավոր փոփոխություններին:

«Երեք ուղղություններով էլ բանակցություններն ընթանում են, և դրանց արդյունքը կոչվում է գլխավոր սխեմա, որն այսօր ևս քննարկվում է»,-ասաց նա՝ ավելացնելով, որ բանակցությունների ավարտի հստակ ժամկետ չի կարող նշել:
«Ես կարծում եմ` շատ երկար չի տևի, բայց կոնկրետ ժամկետ չնշեմ, որովհետև բանակցություններ են ընթանում, ամեն օր` նոր հարց, նոր պատասխան, նոր քննարկման տարր կարող է առաջանալ»,- մեկնաբանեց Գրիգորյանը:
Նշենք,որ 2019 թվականի հունվարի 1–ից սահմանին Հայաստանը Ռուսաստանից գազը ստանում է հազար խորանարդ մետրի դիմաց 165 դոլար գնով՝ նախկին 150-ի փոխարեն։ Երկրի ներսում սակագինը կազմում է 139 դրամ մեկ խորանարդի դիմաց, այսինքն` հազար խորանարդի դիմաց գրեթե 290 դոլար։
Մհեր Գրիգորյանը խոսեց նաև «Հարավկովկասյան երկաթուղիների» մասին, ասաց որ ընկերության հետ պայմանագիրը խզելու հարց օրակարգում չկա։ «Հայ-ռուսական քննարկումների օրակարգում է երկաթգծի ապագա զարգացումը եւ իրենց ռազմավարությունը»,- ասաց Գրիգորյանը։
Հիշեցնենք, որ ռուսական մամուլն օրեր առաջ գրել էր, թե իբր «Ռուսական երկաթուղիներ» ընկերությունը պատրաստվում է Հայաստանի իշխանության հետ խզել պայմանագիրը։

Ռուսաստանը մտադիր է վաղաժամկետ դադարեցնել Հայաստանի երկաթուղու սպասարկումը
Էդ ֆիդայիներն էին, որ թուրքի մաման լացացրին․ Սասուն Միքայելյանը Հովիկ Աղազարյանին։
«Էդ ի՞նչ անձնավորված բաներ ա, մի հատ էլ քֆուր դնեիք» ԱԺ նախագահը ԲՀԿ–ը պատգամավորին
Առանց Լեռնային Ղարաբաղի ժողովրդի համաձայնության որևէ պայմանավորվածություն հնարավոր չի լինի ձևակերպել․ Լավրով
Ես շատ մեծ օպտիմիզմով եմ նայում մեր հարաբերությունների հետագա զարգացմանը․ Փաշինյանը՝ Լավրովին