Հավաքական անվտանգության պայմանագրի կազմակերպության ընդլայնման հնարավորություններ կան, սակայն առայժմ դա չի քննարկվում, մամուլի ասուլիսում ասել է ՀԱՊԿ միացյալ շտաբի պետ գեներալ-գնդապետ Անատոլի Սիդորովը։
«Կազմակերպության ընդլայնման հնարավորությունը եղել է, կա և կլինի: Այն բարեկամ երկրները, որոնք ցանկանում են սկզբում լինել կազմակերպության գործընկերներ, դիտորդներ, հետո անդամներ, բոլոր հեռանկարները բաց են նրանց համար: Կա համապատասխան օրենսդրական դաշտ։ Բայց չեմ ուզում առաջ ընկնել, պարզապես ուզում եմ ասել, որ եթե նման որոշում կայացվի և Հավաքական անվտանգության պայմանագրի կազմակերպության կազմն ընդլայնվի, ապա մենք միշտ պատրաստ կլինենք ընդունել նրանց միասնական օպերատիվ մարտական պատրաստության համակարգ»,- Սիդորովի խոսքերն է մեջբերել BelTA-ն։
ՀԱՊԿ անդամներն են Հայաստանը, Բելառուսը, Ղազախստանը, Ղրղզստանը, Ռուսաստանը և Տաջիկստանը։