Բավ է պառակտվել
15-12-2020 17:03

Հուսով եմ՝ վարչապետը համարձակություն կգտնի կայացնելու հեռանալու որոշում. Կարեն Կարապետյան

Հայաստանի Հանրապետությունը եւ Արցախի Հանրապետությունը գտնվում են խորը ճգնաժամի մեջ՝ բարոյական, հոգեբանական, քաղաքական, տնտեսական, սոցիալական, արժեքային: Դժվար է պատկերացնել ավելի խորը ճգնաժամ. ինչ ավելի պետք է լինի: Այս մասին ասված է ՀՀ նախկին վարչապետ Կարեն Կարապետյանի հայտարարության մեջ:

"Կարծում եմ, այն կառավարությունը, ում կառավարման օրոք և արդյունքում առաջացել է այս ճգնաժամը, մնալով իշխանության՝ խիստ կսահմանափակի երկրի զարգացման հնարավորությունները, ազգի ներուժն ու կարողություններն օգտագործելու հավանականությունը:
Հաշվի առնելով, մի կողմից Ադրբեջանի հետևողական ու ագրեսիվ քաղաքականությունը՝ ուղղված իր հաջողությունների ամրապնդմանը, մյուս կողմից էլ՝ Հայաստանին սպասվող մարտահրավերները՝ այս ճգնաժամի յուրաքանչյուր օր շարունակվելը վնաս է մեզ և միայն մեզ:

Այս օրհասական պահը ամենակարևոր փորձությունն է իշխանության համար ցույց տալու՝ արդյոք իրենք ունակ են վեր կանգնել նեղ քաղաքական շահերից, դրսևորել բարձր գիտակցություն՝ երկրին տալով խաղաղվելու, քաղաքական ուժերին՝ իրենց անցած ուղին վերաիմաստավորելու ու ապագայի տեսլական ձևավորելու, ժողովրդին էլ՝ հանդարտ պայմաններում նոր իշխանություն ձևավորելու հնարավորություն:

Հուսով եմ՝ վարչապետը իր մեջ կգտնի համարձակություն՝ կայացնել հեռանալու որոշում՝ ի շահ մեր երկրի ապագայի",- ասված է հայտարարության մեջ:

Արմինե Գևորգյան

Նախկին վարչապետ Կարեն Կարապետյանը սատարել է Ռոբերտ Քոչարյանի դաշինքին
Վանեցյանը պահանջել է Փաշինյանի հրաժարականը վարչապետի պաշտոնից
Վլադիմիր Կարապետյանը այլևս վարչապետի խոսնակը չէ
Իրավիճակից մեկ ճիշտ ելք կա՝ անարյուն իշխանափոխություն․ Սամվել Կարապետյան  
Նիկոլ, այլևս չլսեմ քեզանից, որ գերագույն գլխավոր հրամանատար եմ․ Կարեն Արայան