Բավ է պառակտվել
29-12-2020 17:58

Նաիրա Զոհրաբյանը զրկվեց ԱԺ մարդու իրավունքների հանձնաժողովի նախագահի պաշտոնից

ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանի լիազորությունները որպես ԱԺ մարդու իրավունքների հանձնաժողովի նախագահ դադարեցվեցին։
ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահի լիազորությունների դադարեցման նախագծի քվեարկությանը 132 պատգամավորից մասնակցել է 84 պատգամավոր, որոնցից 78-ը կողմ են քվեարկել, իսկ դեմ՝ 4 պատգամավոր։
Հիշեցնենք, որ «Լուսավոր Հայաստան», «Բարգավաճ Հայաստան» կուսակցությունները և ինքը՝ Նաիրա Զոհրաբյանը խորհրդարանի արտահերթ նիստը բոյկոտել են:
ԱԺ-ում, մասնավորապես, մեջբերումներ են կատարել Զոհրաբյանի Facebook-յան էջի որոշ գրառումներից, որոնցում, իշխող մեծամասնության կարծիքով, հայտարարություններ կան, որոնք նվաստացնում և վիրավորում են Սահմանադրությամբ ամրագրված բարձրագույն արժեք համարվող մարդու արժանապատվությունը: Ուստի իշխող «Իմ քայլը» դաշինքի կարծիքով՝ Նաիրա Զոհրաբյանը չի կարող լինել մշտական խորհրդարանական հանձնաժողովի նախագահ, որի գործունեության առանցքային պահը մարդու իրավունքների պաշտպանությունն է:
Իսկ նախօրեին Նաիրա Զոհրաբյանը ասել էր, որ պատրաստվում է դիմել ՀՀ Սահմանադրական դատարան՝ Նաիրա Զոհրաբյանին ԱԺ Մարդու իրավունքների պաշտպանության և հանրային հարցերի մշտական հանձնաժողովի նախագահի պաշտոնից հանելու նախաձեռնության սահմանադրականությունը վիճարկելու նպատակով: Պատգամավորի խոսքով Նիկոլ Փաշինյանը ԱԺ-ը վերածել է քաղաքական ընդդիմախոսների հետ հաշվեհարդար տեսնելու տեղ»:

Արմինե Գևորգյան

Նախագահ Արմեն Սարգսյանը ստորագրեց սեփական ինքնաոչնչացման արձանագրության տակ ու սեղմեց ինքնաոչնչացման պուլտը
Ովքեր կարող են այլևս դիմակ չկրել
Չփորձե՛ք քաղաքացու վրա գցել պատասխանատվությունը․ Նաիրա Զոհրաբյան
Մակունցին դեսպան նշանակելը աղետ է Հայաստանի համար․ Նաիրա Զոհրաբյան
Նաիրա Զոհրաբյանի հուզիչ և ճշմարիտ հարցազրույցը Արցախյան պատերազմի մասին