Արցախի120 հազարանոց ողջ բնակչությունը ներկայումս մեկուսացված է և հումանիտար ճգնաժամի մեջ է հայտնվել Ադրբեջանի շրջափակման պատճառով։ Այս մասին Twitter-ի իր միկրոբլոգում գրել է Հայաստանի արտաքին գործերի նախարարության մամուլի քարտուղար Վահան Հունանյանը։
«Մեկ շաբաթից ավելի է, ինչ ադրբեջանցի այսպես կոչված «էկոակտիվիստները» շրջափակել են Լաչինի միջանցքը՝ Լեռնային Ղարաբաղը մնացած աշխարհի հետ կապող միակ «կյանքի ճանապարհը»»,- գրել է Հունանյանը։