Հայաստանից ադրբեջանցիների բռնի վերաբնակեցման դեպքեր չեն արձանագրվել, երեքշաբթի մամուլի ասուլիսի ժամանակ ասաց ՀՀ վարչապետ Նիկոլ Փաշինյանը։
«Ավելին, մեր արխիվում կան փաստաթղթեր, որ Խորհրդային Հայաստանի կառավարությունը տիեզերական փոխհատուցումներ է վճարել ադրբեջանցիներին, այսինքն՝ նրանք որոշել են իրենց կամքով հեռանալ։ Հայաստանում ադրբեջանցիների ջարդեր չեն եղել, մինչդեռ Բաքվում, Սումգայիթում, Հադրութում, Շուշիում, Գետաշենում, Շահումյանի շրջանում դրանք (հայ բնակչության ջարդեր-խմբ.) եղել են»,- ասաց նա։
2020 թվականին Արցախում տեղի ունեցած պատերազմի արդյունքում Ադրբեջանը օկուպացրել է Արցախի հսկայական տարածքներ, այդ թվում՝ Շուշի քաղաքը և Հադրութի շրջանը։ Մոտ 38 հազար մարդ զրկվել է տներից և դարձել փախստական կամ հարկադիր տեղահանված։ Պատերազմի պատճառով Արցախի 150 հազար բնակչից ավելի քան 90 հազարը ստիպված են եղել ապաստանել Հայաստանում։