ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է Թուրքիայի և Ադրբեջանի միջև ռազմական համագործակցությունը։
«Յուրաքանչյուր ինքնիշխան երկիր իրավունք ունի զարգացնել ռազմական և ռազմատեխնիկական համագործակցությունը այլ պետությունների հետ։ Մենք պարբերաբար տարածաշրջանում գործընկերներին բերում ենք այն թեզը, որ նման փոխգործակցությունը չպետք է ուղղված լինի երրորդ երկրների դեմ և չպետք է խախտի Անդրկովկասում ուժերի ստեղծված հավասարակշռությունը։ Դա վերաբերում է նաև այս իրավիճակին»,- հինգշաբթի օրը կայացած ճեպազրույցում ասել է Զախարովան։
Ավելի վաղ Թուրքիայի պաշտպանության նախարար Հուլուսի Աքարը հայտարարել էր, որ նպատակ ունեն մինչև 2025 թվականին Ադրբեջանի զինված ուժերը Թուրքիայի զինված ուժերի մակարդակին հասցնել։
Նա նշել էր, որ նշված ժամկետին Ադրբեջանի զինված ուժերը պետք է համապատասխանեն թուրքական բանակի բոլոր պահանջներին և չափանիշներին: