Երևանում երկօրյա այցով գտնվող ԱՄՆ Ներկայացուցիչների պալատի խոսնակ Նենսի Փելոսին կիրակի այցելել է Օսմանյան Թուրքիայում Ցեղասպանության զոհերի հուշահամալիր։
Նրան ուղեկցել է ՀՀ ԱԺ նախագահ Ալեն Սիմոնյանը։
ԱՄՆ Կոնգրեսի անդամները ծաղկեպսակ ու ծաղիկներ են դրել Հայոց ցեղասպանության զոհերի հիշատակը հավերժացնող անմար կրակի մոտ, լռությամբ ու խոնարհումով հարգել Սուրբ նահատակների հիշատակը։
Այնուհետև Փելոսին և մյուս կոնգրեսականները այցելել են Հայոց ցեղասպանության թանգարան-ինստիտուտ և ծանոթացել Եղեռնի մասին հավաստող փաստաթղթերին: