Իսրայելի վարչապետ Բենիամին Նեթանյահուն ասել է, որ նախորդ գիշեր հեռախոսազրույց է ունեցել ԱՄՆ նորընտիր նախագահ Դոնալդ Թրամփի հետ՝ քննարկելու Իրանին և նրա զինված դաշնակիցներին դիմակայելու Իսրայելի վճռականությունը։ Այս մասին նա խոսել է իր տեսաուղերձում, հայտնում է Times of Israel-ը։
Նեթանյահուն ասել է, որ Թրամփի հետ զրույցը «շատ բարեկամական, ջերմ և կարևոր» է եղել և կենտրոնացել է Իսրայելի անվտանգության ամրապնդման և սպառնալիքների դեմ լիակատար հաղթանակի վրա։
«Մենք վճռական ենք՝ կանխելու Հեզբոլլահի վերազինումը: Սա մշտական մարտահրավեր է Իսրայելի համար, բայց մենք պատրաստ ենք ընդառաջել դրան։ «Ես միանշանակ ասում եմ՝ մենք կշարունակենք գործել Իրանի և «Հըզբոլլահի» դեմ ցանկացած ասպարեզում և ցանկացած ժամանակ՝ կանխելու նրանց սպառնալիքները», - ընդգծել է վարչապետը։
Նեթանյահուն հաստատել է, որ իսրայելական ավիահարվածները Սիրիայում ռազմական օբյեկտներին ուղղված են եղել կանխելու իսրայելական պետության դեմ զենքի կիրառումը, ինչպես նաև «Հեզբոլլահին» զենքի մատակարարման ուղիները խափանելուն:
«Մենք չենք ձգտում հակամարտության Սիրիայի հետ. Իսրայելի քաղաքականությունը Սիրիայի նկատմամբ պայմանավորված է տեղում տիրող իրական իրավիճակով»,- ասել է վարչապետը՝ հավելելով, որ Իսրայելը փոխում է Մերձավոր Արևելքի դեմքը։
Նեթանյահուն նաև ընդգծել է, որ իրավիճակը տարածաշրջանում կտրուկ փոխվել է. «Սիրիան, Լիբանանը, Գազան և նույնիսկ Իրանը այլևս այն չեն, ինչ նախկինում էին»: