Հավաքական անվտանգության պայմանագրի կազմակերպության Խորհրդարանական վեհաժողովի (ՀԱՊԿ ԽՎ) նիստին հայկական պատվիրակության բացակայությունը չի ազդի հակաօդային պաշտպանության միասնական համակարգի ստեղծման մասին որոշման ընդունման վրա, հայտարարել է ՌԴ ԱԳ փոխնախարար Ալեքսանդր Պանկինը, հաղորդում է ՏԱՍՍ-ը։
«Մասնակցությանը նրանց ֆիզիկապես ներկա չգտնվելն այնքան էլ չի արգելակում այլ անդամ երկրների համաձայնեցման գործընթացները, <…> այս կոլեկտիվ փաստաթղթերի ընդունումը, որոնց նրանք <…> շատ դեպքերում միանում են»,- ասել է նա, պատասխանելով հարցին, թե արդյոք ՀԱՊԿ վեհաժողովին հայկական կողմի չմասնակցելը կազդի՞ ՀՕՊ միասնական համակարգ ստեղծելու ծրագրերի վրա։
Ավելի վաղ հայտնի դարձավ, որ Հայաստանի խորհրդարանի նախագահ Ալեն Սիմոնյանը չի մասնակցի դեկտեմբերի 19-ին Մոսկվայում կայանալիք ՀԱՊԿ ԽՎ նիստին։
