Ոչ ոք չի կարող մեղադրել Հայաստանին իր պարտավորություններից խուսափելու համար. Այս մասին Twitter-ի իր միկրոբլոգում գրել է ՀՀ վարչապետ Նիկոլ Փաշինյանը։
«Թվիթը ստորև և դրա արձագանքն ապացուցում են, որ ոչ ոք չի կարող մեղադրել Հայաստանին իր պարտավորություններից խուսափելու համար։ Ես կրկնում եմ, որ մենք պատրաստ ենք բացել 3 անցակետ՝ մեր պարտավորությունները կատարելու և տարածաշրջանի բազմակողմանի ապաշրջափակման արդյունքում առաջացող հնարավորությունների օգտագործման ուղղությամբ աշխատելու համար»,- գրել է Փաշինյանը։
Ավելի վաղ նա ասել էր, որ արդեն մի քանի ամիս է, ինչ շրջանառության մեջ է դրվել հայ-ադրբեջանական սահմանին 3 անցակետի բացման մասին կառավարության որոշման նախագիծը՝ ապահովելու Արևելյան Ադրբեջանի և Նախիջևանի միջև կապը։ Հայաստանի իշխանությունն սպասում է Ադրբեջանի դրական արձագանքին.
Հոկտեմբերին Հայաստանում շրջանառության մեջ դրվեց Ազգային անվտանգության խորհրդի նոր նախագիծն Ադրբեջանի հետ սահմանին՝ Սոթքում, Երասխում և Քարահունջում երեք սահմանային անցակետ բացելու վերաբերյալ։
Փաշինյանն ավելի վաղ բազմիցս հայտարարել է, որ Հայաստանը պատրաստ է իր տարածքով կապ ապահովել Ադրբեջանի արևելյան շրջանների և Նախիջևանի միջև` երաշխավորելով այդ երթուղու անվտանգությունը` հայկական օրենսդրությանը համապատասխան։ Բայց, նրա խոսքով, Ադրբեջանը մինչև հիմա չի արձագանքել այդ առաջարկին։