Հայաստանի և Թուրքիայի միջև հարաբերությունների կարգավորումն առաջին հերթին, կապահովի կայունություն և խաղաղություն տարածաշրջանում, երկրորդ՝ տնտեսական համագործակցություն, ինչպես նաև փոխգործակցություն այլ ոլորտներում։ Այս մասին «Անոդոլու» գործակալությանը տված հարցազրույցում ասել է ԱԺ փոխխոսնակ, Թուրքիայի հետ կարգավորման բանակցություններում Հայաստանի դեսպան Ռուբեն Ռուբինյանը։
Նա նշել է, որ թեև բանակցությունների հաջորդ փուլի օրը դեռ նշանակված չէ, սակայն շատ կարևոր է, որ Հայաստանն ու Թուրքիան կապող կամուրջը բացվել է ավելի քան 30 տարվա ընթացքում առաջին անգամ։
«Արտաքին գործերի նախարար Չավուշօղլուի հետ հանդիպման ժամանակ մենք պայմանավորվածություններ ձեռք բերեցինք որոշ հարցերի շուրջ։ Օրինակ՝ մենք պայմանավորվեցինք համատեղ վերակառուցել Անիի պատմական կամուրջը, որի մի մասը գտնվում է Հայաստանում, մյուս մասը՝ Թուրքիայում, և արագացնել հարաբերությունների կարգավորման գործընթացը, որպեսզի սահմանն ամբողջությամբ բացվի»,- ասել է Ռուբինյանը։
