Հայաստանի վարչապետ Նիկոլ Փաշինյանը և Ռուսաստանի նախագահ Վլադիմիր Պուտինը հեռախոսազրույց են ունեցել շաբաթ օրը։ Այս մասին հայտնում են ՀՀ վարչապետի մամլո ծառայությունից։
Երկու երկրների ղեկավարները քննարկել են Եվրասիական տնտեսական միության և Հավաքական անվտանգության պայմանագրի կազմակերպության գործունեության հետ կապված հարցեր, անդրադարձել Ռուսաստանի Դաշնություն ՀՀ վարչապետի ապրիլին սպասվող պաշտոնական այցի օրակարգին։
Ավելի վաղ Կրեմլը հայտնել էր, որ շարունակվել է մտքերի փոխանակումը 2020թ.նոյեմբերի 9-ին, 2021թ. հունվարի 11-ին և նոյեմբերի 26-ին Հայաստանի, Ադրբեջանի և Ռուսաստանի ղեկավարների` ԼՂ վերաբերյալ եռակողմ հայտարարություններում ամրագրված պայմանավորվածությունների իրագործման գործնական քայլերի վերաբերյալ, ներառյալ՝ հայ-ադրբեջանական սահմանին կայունության և անվտանգության ապահովման հարցերը։