Telegram @gishernews
15-09-2020 17:11

ԱԺ-ն ընտրեց երեք նոր ՍԴ-ի դատավոր

Ազգային ժողովն այսօր փակ գաղտնի քվերակությամբ Սահմանադրական դատարանի դատավոր ընտրեց առաջադրված բոլոր երեք թեկնածուներին։
Ինչպես հայտարարեց հաշվիչ հանձնախմբի նախագահ Վահագն Հովակիմյանը, երեք թեկնածությունների քվեարկությանն էլ մասնակցել են 88 պատգամավորներ:

Դատավորների ընդհանուր ժողովի կողմից առաջադրված Երվանդ Խունդկարյանի օգտին են քվեարկել 84, դեմ՝ 2 պատգամավորներ, 2 քվեաթերթիկ ճանաչվել է անվավեր, Հայաստանի նախագահի կողմից առաջադրված Արթուր Վաղարշյանի օգտին՝ 86, դեմ՝ 1 պատգամավորներ, անվավեր է ճանաչվել 1 քվեաթերթիկ, Կառավարության կողմից առաջադրված Էդգար Շաթիրյանի օգտին՝ 85, դեմ՝ 3 պատգամավորներ:
Ազգային ժողովի նախագահ Արարատ Միրզոյանը հայտարարեց, որ ՍԴ դատավորները լիազորությունները կստանձնեն խորհրդարանում երդման պահից:

Նշենք, որ ԱԺ 132 պատգամավորներից քվեարկությանը մասնակցել են 88–ը։ «Լուսավոր Հայաստան» և «Բարգավաճ Հայաստան» խմբակցությունները նախապես հայտարարել էին, որ չեն մասնակցելու ՍԴ դատավորի ընտրության քվեարկությանը` այդ գործընթացը հակասահմանադրական համարելով։
Հիշեցնենք` հունիսի 30-ին ՀՀ ԱԺ-ն ընդունեց ՍԴ մասին Սահմանադրական օրենքում և մի շարք այլ օրենքներում փոփոխություններ կատարելու մասին օրենքների նախագծերը, որոնցով կասեցվում են Սահմանադրական դատարանի` 12 տարի պաշտոնավարած 3 դատավորների լիազորությունները, իսկ ՍԴ նախագահ Հրայր Թովմասյանը, որի պաշտոնավարման 12 տարին չի լրացել, շարունակում է աշխատել ՍԴ դատավորի կարգավիճակում։

Սահմանադրական դատարանում արշալուսյները խաղաղ չեն
Ուզում եք այդ կանտորայի դատավորներին փոխել ձեր քիմքին հարիր դատավորներով․ Նաիրա Զոհրաբյան
Ազգային ժողովում 80 ձայն ստանալը համարում եմ անիրատեսական. Վահրամ Ավետիսյան
Ով կընտրվի Սահմանադրական դատարանի նախագահ․ պայքարը թեժ  է լինելու
Ի՞նչ են քննարկել ՍԴ դատավոր Ֆելիքս Թոխյանը ԱԺ նախագահ Արարատ Միրզոյանի հետ