«Դիմադրություն» շարժման առաջնորդներից, ընդդիմադիր «Հայաստան» խմբակցության պատգամավոր փոխխոսնակ Իշխան Սաղաթելյանը կոչ արեց ապաշրջափակել շուրջ երկուկուսուկես ժամ շրջափակված կառավարության շենքը։
«Եկեք վերադառնանք Ֆրանսիայի հրապարակ, այնուհետև երթով շարժվենք դեպի կառավարական ամառանոցներ»,- ասաց Սաղաթելյանը՝ հավելելով, որ դեռ ժամանակ կա պահանջելու, որ ՀՀ վարչապետ Նիկոլ Փաշինյանը խորհրդարանի արտահերթ նիստ կազմակերպի։
Ընդդիմությունը պահանջում է Ազգային ժողովի արտահերթ նիստ՝ հայտարարությամբ, որ Արցախը երբեք չի լինելու Ադրբեջանի կազմում. Իշխող «Քաղաքացիական պայմանագիր» խմբակցությունը նիստի քվորում չապահովեց։ Եթե պատգամավորները մինչև ժամը 20:00-ն չգրանցվեն, ապա նիստը չի կայանա։