Երկուշաբթի Ռուսաստանի արտգործնախարար Սերգեյ Լավրովի հետ հանդիպման ժամանակ ՀՀ վարչապետ Նիկոլ Փաշինյանը հույս է հայտնել, որ մինչև 2019 թվականի ավարտը երկու երկրների միջև առևտրաշրջանառությունը կհասնի 2 միլիարդ դոլարի:
Ռուսաստանի արտգործնախարար Սերգեյ Լավրովը նոյեմբերի 10-11-ը պաշտոնական այցով գտնվում է Երևանում:
“Սա բավականին լավ արդյունք է։ Այս ամենը կարևոր նախադրյալներ է ստողծում մեր երկրների միջև դաշնակցային ռազմավարական հարաբերությունների հետագա զարգացման համար”,- ասել է նա։
Փաշինյանը նաև վստահություն է հայտնել, որ Լավրովի այցը նոր ազդակ կհաղորդի երկկողմ դաշնակցային հարաբերություններին։
“Ես մեծ լավատեսությամբ եմ նայում մեր հարաբերությունների հետագա զարգացմանն”,- ասել է վարչապետը։
Լավրովն, իր հերթին ասել է, որ “շատ սերտ շփումներ” կան բոլոր, այդ թվում՝ գործադիր և խորհրդարանական ուղղություններով։
“Մենք ուրախ ենք, որ զարգանում է առևտրաշրջանառությունն, այն կայուն աճում է։ Ռուսաստանը Հայաստանի առաջատար գործընկերն է և Հայաստանի տնտեսությսն առաջին ներդնողն”,- ասել է նա։
Ազգային վիճակագրական կոմիտեի տվյալների համաձայն, Ռուսաստանի հետ Հայաստանի ապրանքաշրջանառությունն այս տարվա հունվարից սեպտեմբեր ընկաժ ժամանակահատվածում կազմել է 1,53մլրդ․դոլար։