Հայաստանի վարչապետ Նիկոլ Փաշինյանը և Ֆրանսիայի նախագահ Էմանուել Մակրոնը քննարկել են Ադրբեջանի կողմից Լաչինի միջանցքի շրջափակման հետևանքով Լեռնային Ղարաբաղում ստեղծված հումանիտար ծանր իրավիճակը։ Այս մասին հայտնում են վարչապետի մամուլի ծառայությունից։
Մակրոնն ընդգծել է Լաչինի միջանցքի անխափան գործունեության կարևորությունը և մատնանշել Ֆրանսիայի պատրաստակամությունը՝ շարունակելու իր ներդրումն ունենալ այս խնդրի լուծման գործում։
Զրուցակիցները մտքեր են փոխանակել Հայաստանի և Ադրբեջանի միջև հարաբերությունների կարգավորման, Լեռնային Ղարաբաղի ժողովրդի իրավունքների և անվտանգության պաշտպանության, Հայաստանում ԵՄ քաղաքացիական առաքելության գործունեության շուրջ։
