Բավ է պառակտվել
27-05-2022 11:07

Փաշինյանը ՌԴ դեսպանի հետ քննարկել է ղարաբաղյան կարգավորման և համագործակցության հարցեր

Հայաստանի վարչապետ Նիկոլ Փաշինյան և Հայաստանում Ռուսաստանի Դաշնության արտակարգ և լիազոր դեսպան Սերգեյ Կոպիրկինը ուրբաթ օրը Երևանում հանդիպման ընթացքում քննարկել են հայ-ռուսական համագործակցության օրակարգային հարցեր, հայտնում է կառավարության մամլո ծառայությունը։

Փաշինյանը նշել է, որ հայ-ռուսական դաշնակցային հարաբերությունները վերջին տարիներին կրում են դինամիկ բնույթ և հավելել, որ դրանում մեծ է ՀՀ-ում ՌԴ դեսպանության ներդրումը:

Վարչապետի խոսքով՝ երկու երկրների գործընկերների միջև առկա են սերտ շփումներ, ինչը կարևոր նշանակություն ունի փոխգործակցությանը նոր ազդակ հաղորդելու գործում:

Միաժամանակ, կառավարության ղեկավարը կարևորել է ԵԱՀԿ Մինսկի խմբի համանախագահ երկրների դեսպանների հետ պարբերական հանդիպումներն ու շեշտել Լեռնային Ղարաբաղի հիմնախնդրի կարգավորման գործում վերը նշված ֆորմատի կարևորությունը:

ՌԴ դեսպանն ու Փաշինյանը քննարկել են Լեռնային Ղարաբաղի հիմնախնդրի կարգավորմանը, հայ-ռուսական համագործակցության օրակարգին և Հարավային Կովկասի տարածաշրջանում տեղի ունեցող գործընթացներին վերաբերող հարցեր:

Կոպիրկինը նշել է, որ դեսպանության նպատակն է անել ամեն ինչ՝ երկկողմ դաշնակցային ու եղբայրական հարաբերությունների հետագա զարգացմանը նպաստելու համար:

Պուտինն ու Փաշինյանը կրկին քննարկել են Ղարաբաղում կայունության պահպանման հարցը
Փաշինյանն ու Պուտինը քննարկել են Ղարաբաղին, Թուրքիայի հետ երկխոսությանն ու Ուկրաինային առնչվող հարցեր
Պուտինն ու Էրդողանը քննարկել են ղարաբաղյան կարգավորմանն առնչվող հարցեր
Մենք ունենք այն, ինչ միավորում է մեր ժողովուրդներին՝ և մենք պետք է դա պահպանենք։» - ՌԴ դեսպան
«Մենք հնարավորություն ենք տեսնում քննարկել Հայաստան-Թուրքիա հարաբերությունների կարգավորումը»․ Փաշինյան