Հայաստանի վարչապետ Նիկոլ Փաշինյանը, պատասխանելով խորհրդարանում պատգամավորների հարցերին, պարզաբանեց, թե ինչո՞ւ հասարակությանը չի տեղեկացրել 2018 թվականին Ղարաբաղյան բանակցային գործընթացի ընթացքի մասին։
«Հայաստան» խմբակցության պատգամավոր Ագնեսա Խամոյանն, դիմելով վարչապետին, հիշեցրեց, որ 2019 թվականի ապրիլի 8 -ին վերջինս հայտարարեց, որ բանակցություններ է սկսում իր իսկ կետից, որ ստացել է բանակցային գործընթացի ծանր ժառանգություն: Պատգամավորը հարցրեց, թե ինչո՞ւ վարչապետը հանրությանը չներկայացրեց այդ ծանր ժառանգությունն ու իրավիճակի պայթյունավտանգությունը:
«2018 -ին ես կարող էի բացահայտել բանակցությունների բովանդակությունը և ասել. «Բանակցություններն այն կետում են, որ պետք է վերադարձվեն 7 շրջանները և, որ ադրբեջանցիները պետք է վերադառնան Շուշի և այլ տարածքներ»։ Ինչո՞ւ ես դա չարեցի։ Քանի որ բանակցությունների բովանդակության բացահայտումը կհանգեցներ միջազգային սկանդալի, իրավիճակի անխուսափելի լարվածության: Երկրորդ, կարող էր տպավորություն ստեղծվել, որ ես պարզապես պատրվակ եմ փնտրում, որպեսզի հնարավորինս արագ հրաժարվեմ իրավիճակը փոխելու համար պայքարից», - պատասխանեց Փաշինյանը:
Վարչապետը նշեց, որ արդյունքն ի վերջո շատ ավելի վատ կլիներ: