Բավ է պառակտվել
10-05-2022 12:53

Փաշինյանը պաշտոնական այցով կմեկնի Նիդերլանդներ

Հայաստանի վարչապետ Նիկոլ Փաշինյանը մայիսի 10-11-ին երկօրյա պաշտոնական այց կկատարի Նիդերլանդների Թագավորություն:

Հայաստանի կառավարության մամլո ծառայությունից հայտնում են, որ այցի շրջանակներում Փաշինյանը հանդիպումներ կունենա Նիդերլանդների վարչապետ Մարկ Ռութեի, Նիդերլանդների Սենատի նախագաh Յան Անտոնի Բրաունի և Ներկայացուցիչների պալատի նախագահ Վերա Բերգկամպի հետ: Փաշինյանը կհանդիպի Խորհրդարանի երկու պալատների արտաքին հարաբերությունների հանձնաժողովների անդամների հետ: Նախատեսվում է նաև վարչապետի հանդիպումը Նիդերլանդների գործարար համայնքի ներկայացուցիչների հետ:
Փաշինյանը կմասնակցի «Արարատի ստվերի ներքո. Հին Հայաստանի գանձերը» ցուցահանդեսի պաշտոնական բացմանը, շրջայց կկատարի Խաղաղության Պալատում և վերջինիս այգում կմասնակցի Միջազգային խաղաղությանը Հայաստանի ներդրումը խորհրդանշող հայկական խաչքարի բացման արարողությանը:
Փաշինյանը կայցելի նաև Միջազգային հարաբերությունների նիդերլանդական ինստիտուտ՝ Քլինգենդայլ, ուր հանդես կգա «Հայաստանը և Նիդերլանդները. դարավոր բարեկամություն - 30-ամյա գործընկերություն» թեմայով դասախոսությամբ:

Փաշինյանը պաշտոնական այցով մեկնել է Քաթար
Փաշինյանի այցերը մարզեր «բեմադրություններ» են․ Հովհաննես Սահակյան
Փաշինյանը սեպտեմբերի 8-9-ը կայցելի Վրաստան
Կորոնավիրուսի պատճառով մեկը մյուսի հետևից չեղարկվում են նաև պաշտոնական այցերը
Փաշինյանը խորհրդակցություն է անցկացրել Շիրակի մարզում (տեսանյութ)