Հայաստանի վարչապետ Նիկոլ Փաշինյանն ընդունել է Պուտինի՝ պաշտոնական այցով Ռուսաստան մեկնելու հրավերը։ Ինչպես տեղեկացնում է Կրեմլի մամլո ծառայությունը՝ հեռախոսազրույցը կայացել է երկուշաբթի օրը։
«Հաշվի առնելով այս տարվա ապրիլին նշվելիք Ռուսաստանի Դաշնության և Հայաստանի Հանրապետության միջև դիվանագիտական հարաբերությունների հաստատման 30-ամյակը՝ Վլադիմիր Պուտինը Նիկոլ Փաշինյանին պաշտոնական այցով հրավիրել է մեր երկիր։ Հրավերն ընդունվել է երախտագիտությամբ»,- ասվում է Կրեմլի հայտարարության մեջ։
Հայաստանի վարչապետի մամլո ծառայությունից հայտնում են, որ Փաշինյանն իր հերթին Պուտինին հրավիրել է Հայաստան։ Նշվում է, որ քննարկվել են ռուս-ուկրաինական հարաբերություններում հաստատված իրավիճակը։