Բավ է պառակտվել
05-01-2020 11:44

Փաշինյանը բացահայտել է հայալեզու կեղծ լուրերը, որոնք մեջբերել են ադրբեջանական լրատվամիջոցները

Հայաստանի վարչապետ Նիկոլ Փաշինյանը հանդես է եկել հայտարարությամբ՝ կապված ադրբեջանական և իրանական մամուլում շրջանառվող ապատեղեկատվության հետ:

“Հայալեզու կեղծ (ֆեյք) էջը կեղծ լուր է տարածում, թե ես ԱՄՆ նախագահ Դոնալդ Թրամփին շնորհավորել եմ հակաիրանական “հաջողված” օպերացիա կազմակերպելու համար: Այս լուրը արագ հայտնվում է ադրբեջանական մամուլում և դառնում օրվա թրենդ: Ադրբեջանական մամուլից լուրը հայտնվում է իրանական մամուլում և դառնում որոշ ուժերի հակահայկական ներշնչանքի աղբյուր”,- գրել է Փաշինյանն իր ֆեյսբուքյան էջում։

Նրա խոսքով՝ սա այն դեպքն է, երբ խոսքի կեղծ “ազատությունը” սպառնալիք է ստեղծել մեր ազգային անվտանգության համար:

“Լուրի հեղինակները և նրանց շարժառիթները պետք է պարզվեն”,- գրել է վարչապետը։

Հունվարի 3-ին Բաղդադում ԱՄՆ հրթիռային հարվածի արդյունքում սպանվել է Իսլամական հեղափոխության պահապանների կորպուսի ”Էլ-Ղուդս” հատուկ ստորաբաժանման (Իրանի ԶՈւ էլիտար ուժեր) հրամանատար Ղասեմ Սուլեյմանին: Հարվածն իրականացվել է ԱՄՆ նախագահ Դոնալդ Թրամփի հրահանգով: Իրանի նախագահ Հասան Ռոհանին խոստացել է, որ “Իրանը և տարածաշրջանի մյուս երկրները վրեժխնդիր կլինեն Ամերիկայից”:

«Սա լրատվամիջոցը ճնշելու հրահանգ է Նիկոլ Փաշինյանի կողմից».Հարություն Հարությունյան
Մակերեսային, ծիծաղելի երբեմն էլ խոցելի․Սա էր վարչապետի ներկայացրած ռազմավարությունը
Հայաստանը հատկապես մեծ ուշադրություն կդարձնի պաշտպանությանը․ Փաշինյան
Փաշինյանը հեղափոխության առաջնորդից վերածվեց իրեն սատարող ֆեյսբուքյան խմբակների վարչապետի
Փաշինյանը նախապես ծրագրված սադրանք է անվանել ադրբեջանական ԶՈւ առաջխաղացումը Սյունիքում (տեսանյութ)