Բա՛վ է պառակտվել
16-03-2020 02:53

Հանրաքվեի վերաբերյալ որոշումը կախված է համաճարակաբանական իրավիճակից․ Փաշինյան

ՀՀ վարչապետ Նիկոլ Փաշինյանն անդրադարձել է հանրապետությունում կորոնավիրուսի տարածման ֆոնին սահմանադրական փոփոխությունների վերաբերյալ հանրաքվե անցկացնելու հարցին:

«Ոչ մի քաղաքական նպատակ չի կարող ավելի բարձր լինել, քան հանրային անվտանգությունն ու առողջությունն», - ասել է նա Facebook- յան ուղիղ եթերի ժամանակ:

Նա նշել է, որ, ամենայն հավանականությամբ, Հայաստանի կառավարությունը շուտով կքննարկի այս հարցը և որոշում կկայացնի:

«Եթե իրավիճակը լինի այնպիսին, որ հանրաքվեն և համաճարակային իրավիճակը հակասում են իրար, մենք այդ մասին էլ որոշում կկայացնենք։ Բայց որոշումը պետք է լինի հիմնավորված։ Այս պահին ես չեմ ուզում խոսել իմ վերջնական գնահատականի մասին», - ասել է Փաշինյանը:

Հանրաքվեն և քարոզարշավը

Հայաստանի նախագահը 2020 թվականի ապրիլի 5-ին նշանակել է հանրաքվե, որն առաջարկում է ՀՀ քաղաքացիներին որոշել Սահմանադրության 213-րդ հոդվածում փոփոխություններ մտցնելու հարցը, որոնք նախատեսում են Սահմանադրական դատարանի ներկայիս կազմի լուծարում:

Փաշինյանը որոշել է անձամբ մասնակցել «Այո» շարժմանն՝ ի աջակցություն հանրաքվեի; նույնանուն շտաբը գլխավորել է տարածքային զարգացման և ենթակառուցվածքների նախարար, “Քաղաքացիական պայմանագիր” կուսակցության փոխնախագահ Սուրեն Պապիկյանը:

Քարոզարշավ իրականացնելու համար Փաշինյանը մարտի 5-ին գնացել է արձակուրդ, բայց մարտի 12-ին ստիպված է եղել ընդհատել այն՝ Հայաստանում կորոնավիրուսի տարածման պատճառով:

Կորոնավիրուսը Հայաստանում

Վերջին տվյալների համաձայն, մարտի 15-ի դրությամբ, Հայաստանում հաստատվել է կորոնավիրուսի 28 դեպք, մեկուսացվել է ավելի քան 300 մարդ:

Հայաստանում կորոնավիրուսային վարակի առաջին դեպքը հաստատվել է մարտի 1-ին: Վարակվածների թվում են Իրանից և Իտալիայից ժամանած Հայաստանի քաղաքացիներ (Երևանի, Էջմիածնի և Մեղրիի բնակիչներ), նրանց հետ շփման մեջ գտնվող անձինք, ինչպես նաև Իտալիայի մեկ քաղաքացի և Ֆրանսիայից ժամանած մեկ անձ: Վարակվածների ճնշող մեծամասնությունը, ներառյալ մեկ դպրոցական, Էջմիածնի բնակիչներ են:

"Դիմակահանդես" պատգամավորների մասնակցությամբ
Լուսավորը լուսավորեց ԱԺ –ն․ նա վերադարձավ խորհրդարան
ԱԱԾ նախկին ղեկավար Վանեցյանին հրավիրել են ՀՔԾ Միքայել Մինասյանի հայտարարությունների կապակցությամբ
Ընդդիմությունը չի կարող լինել իշխանության յուրաքանչյուր բառին կամ քայլին ծափահարող ուժ։ Իշխանական պատգամավոր
Ադրբեջանի պատերազմի սպառնալիքները ազդեցություն չեն ունենալու Արցախում տեղի ունեցող ժողովրդավարական գործընթացների վրա. ՀՀ ԱԳՆ