Վարչապետի պաշտոնակատար Նիկոլ Փաշինյանը Չարենցավան քաղաքում նախընտրական հանրահավաքի ժամանակ հայտարարել է, որ Հայաստանի ապագայի մասին իր պատկերացմամբ ամբողջ աշխարհի հայերը կվերադառնան երկիր, ինչպես նաև երկրում կստեղծվեն արդյունաբերական կենտրոններ:
«Մենք ուզում ենք, որ Հայաստանից արտագաղթը դադարեցվի և այն փոխարինվի հայրենադարձության ալիքով։ Մեր նպատակն է, Հայաստանի ապագայի մեր պատկերացումն այն է, որ հայերը կվերադառնան Հայաստան, և կստեղծվեն արդյունաբերական կենտրոններ”, - ասել է Փաշինյանը և նշել, որ “թավշյա հեղափոխությունից” հետո այս հարցում արդեն կան առաջին հաջողությունները:
Ավելի վաղ սփյուռքի նախարարի պաշտոնակատար Մխիթար Հայրապետյանը մամլո ասուլիսի ժամանակ նշել է, որ հեղափոխությունից հետո ավելի քան 450 ընտանիք է հայրենիք վերադարձել։
Վարչապետի պաշտոնակատարը նաև նշել է, որ երկրի ապագայի այս տեսլականը ամրագրված է «Իմ քայլը» դաշինքի ծրագրի մեջ, որի կետերից մեկը նշում է, որ առաջիկա 20 տարիներին Հայաստանի բնակչությունը պետք է կրկնապատկվի։