Բա՛վ է պառակտվել
04-09-2019 14:13

Պաշտպանության նախարարի հետ որևէ լարվածություն չկա և չի կարող լինել ԳՇ պետ Արտակ Դավթյան

Զինված ուժերի գլխավոր շտաբի պետ Արտակ Դավթյանը՝ հերքում է մամուլում շրջանառվող այն տեղեկությունները, որ իր և պաշտպանության նախարար Դավիթ Տոնոյանի հարաբերությունները վերջին շրջանում այդքան էլ հարթ չեն:

<<Ոչ մի հարցում անհամաձայնություն չկա։ Կա աշխատանքային կարգ։ Յուրաքանչյուր որոշում կայացնելուց առաջ յուրաքանչյուրը ներկայացնում է իր տեսակետներն ու առաջարկությունները։ Ընդունվելուց հետո բոլորս կատարում ենք ընդունված որոշումը՝ յուրքանչյուրս մեր մասով։ Ոչ մի տարակարծություն որևէ հարցի շուրջ չունենք>>, - լրագրողներին փոխանցեց Արտակ Դավթյանը:

Հիշեցնենք,որ մամուլը այսօր գրել էր,որ շրջանառվում է Արտակ Դավթյանի պաշտոնականության հարցը,և ըստ խոսակցությունների այդ պաշտոնում պատրաստվում են նշանակել շտաբի պետի տեղակալ Օնիկ Գասպարյանին:
Արտակ Դավթյանին երբ այս տեղեկատվությունը փոխանցեցինք նա ժպտաց ու ասաց,որ գլխավոր շտաբի բոլոր պետերը մինչև կյանքի վերջը չեն ծառայել։ <<Օրենքով սահմանված ժամկետներ կան, դրանով էլ աշխատում ենք>>, - ասաց բարձրաստիճան զինվորականը։

Այսօրերին ակտիվ քննարկվում են այն խոսակցությունները,որ պատրաստվում են համակարգ վերադարձնել Պաշտպանության նախկին նախարար Վաղարշակ Հարությունյանին: Արտակ Դավթյանը լրագրողներին հորդորեց այդ հարցը այլ տեղ ուղղել,քանի որ համակարգ վերադարձնողն ինքը չէ։

 

Արմինե Գևորգյան

<<Սահմանին որոշ հատվածներում կան որոշակի լարվածություններ>> ՊՆ Դավիթ Տոնոյան
«Հաշվեք՝ ապրիլյան պլյուս» ․նախարարը զորավարժությունների մասին (Լուսանկարներ)
Ես հրաժարական չեմ տալիս,ԱԱԾ նախկին տնօրենն էլ իմ ընկերն է․Դավիթ Տոնոյան
Պատերազմի վտանգը ոչ նվազել, ոչ էլ աճել է. ՀՀ ԶՈՒ ԳՇ պետ Արտակ Դավթյան
Հունվարի 1-ից կավելանա զոհված զինծառայողների ընտանիքներին տրվող աջակցության չափը