Հանրապետության նախագահ Արմեն Սարգսյանի նախաձեռնած քննարկումների շրջանակում առաջին հանդիպումը կկայանա վարչապետ Նիկոլ Փաշինյանի հետ։
Ըստ կառավարության ղեկավարի մամլո ծառայության՝ հանդիպումը կկայանա մարտի 13-ին։
Օրեր առաջ նախագահ Արմեն Սարգսյանը հրավիրել էր վարչապետ Նիկոլ Փաշինյանին, խորհրդարանական բոլոր խմբակցությունների և ընդդիմադիր «Հայրենիքի փրկության շարժման» առաջնորդներին հանդիպել մարտի 13-ին, ժամը 12: 00-ին նախագահական նստավայրում ճգնաժամի կարգավորման ուղիներ գտնելու համար:
Նախօրեին Սարգսյանն անիրագործելի է համարել իշխող խմբակցության, ընդդիմության և «Հայրենիքի փրկության շարժման» ներկայացուցիչների մեկ սեղանի շուրջ հանդիպման ձևաչափը: Նշվել է, որ մարտի 13-ին նախագահական նստավայրում հանդիպմանը հրավիրված խորհրդարանական խմբակցություններից երկուսն`«Իմ քայլը» և «Լուսավոր Հայաստանն», ընդունել են հրավերն, իսկ «Բարգավաճ Հայաստան» խմբակցությունն ու «Հայրենիքի փրկության շարժումը» ներկայացրել են իրենց օրակարգը և պայմանները, և «այս պահին մեկ սեղանի շուրջ հանդիպման ձևաչափը դառնում է անիրագործելի»: