Ռուսաստանի Դաշնության նախագահի մամուլի քարտուղար Դմիտրի Պեսկովը հրաժարվել է կանխատեսել Ռուսաստանի նախագահ Վլադիմիր Պուտինի՝ Ադրբեջանի նախագահ Իլհամ Իլիևի և Հայաստանի վարչապետ Նիկոլ Փաշինյանի հետ այսօրվա հանդիպման արդյունքները, հայտնում է ՏԱՍՍ-ը։
«Ոչ, կանխատեսումներ չեն կարող լինել»,- ասել է Կրեմլի ներկայացուցիչը՝ պատասխանելով ՏԱՍՍ-ի հարցին։ Նա չի պատասխանել նաև այն հարցին, թե արդյոք Կրեմլը ակնկալում է ինչ-որ պայմանավորվածությունների հասնել։
«Սպասենք հանդիպմանը»,- առաջարկել է Պեսկովը։
Ավելի վաղ ՌԴ պետության ղեկավարի խոսնակը հայտնել էր, որ Պուտինը հինգշաբթի երկու առանձին հանդիպումներ կունենա Հայաստանի վարչապետի և Ադրբեջանի նախագահի հետ, իսկ հետո առաջնորդները եռակողմ բանակցություններ կունենան։
