ՌԴ նախագահ Վլադիմիր Պուտինը չի նախատեսում ԱՊՀ ոչ պաշտոնական գագաթնաժողովի ժամանակ եռակողմ հանդիպում ունենալ Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հետ, գրում է Կոմերսանտը՝ հղում անելով ՌԴ նախագահի մամուլի քարտուղար Դմիտրի Պեսկովին։
Սանկտ Պետերբուրգում երկօրյա գագաթնաժողովը կմեկնարկի այսօր՝ դեկտեմբերի 26-ին։
«Ոչ, եռակողմ հանդիպում չի լինելու, բայց երկկողմ շփումներ, իհարկե, կլինեն այս ոչ պաշտոնական հանդիպման շրջանակում»,- ասել է Պեսկովը։
Հոկտեմբերի 31-ին Սոչիում Ալիևն ու Փաշինյանը հանդիպել են Պուտինի հետ։ Նրանք քննարկել են իրավիճակը Լեռնային Ղարաբաղում, և Փաշինյանը վերահաստատել է Հայաստանի պատրաստակամությունը՝ ապաշրջափակելու Ադրբեջանի հետ տարածաշրջանային հաղորդակցությունները։