Բավ է պառակտվել
04-06-2021 11:27

Հայ ռազմագերիների նկատմամբ խոշտանգումներն ու ճնշումը միջազգային իրավունքի վտանգավոր խախտման նախադեպ են․ ԱԳՆ

Մայիսի 25-ին Հայաստանի Հանրապետության արտաքին գործերի նախարարությունը խստորեն դատապարտել էր Ադրբեջանի կողմից Արցախի դեմ սանձազերծված վերջին ագրեսիայի ընթացքում գերեվարված Լյուդվիկ Մկրտչյանի և Ալյոշա Խոսրովյանի նկատմամբ պաշտոնական Բաքվի կողմից քրեական հետապնդման փաստը: Այս մասին ասվում է ԱԳՆ մամլո ծառայության տարածած հայտարարությունում։

«Շարունակելով խախտել մարդասիրական իրավունքի նորմերը, մասնավորապես` Ռազնագերիների հետ վարվելակերպի մասին Ժնևի կոնվենցիան, որում հստակ սահմանվում է, որ ռազմագերիներն ազատվում և հայրանադարձվում են անմիջապես ռազմական գործողությունները դադարեցվելուց հետո, Ադրբեջանը ևս 14 գերեվարված հայ զինծառայողների նկատմամբ սկսել է շինծու քրեական հետապնդում, ինչը նաև խախտում է 2020թ. նոյեմբերի 9-ի եռակողմ հայտարարությամբ ամրագրված պայմանավորվածությունները»,- ասվում է հայտարարությունում:

Նշվում է, որ 16 հայ զինծառայողների նկատմամբ հարուցված քրեական գործերը, ինչպես նաև մյուս հայ ռազմագերիների և պատանդառված քաղաքացիական անձանց նկատմամբ իրականացվող խոշտանգումներն ու հոգեբանական ճնշումը միջազգային իրավունքի վտանգավոր խախտման նախադեպ են:

«Պաշտոնական Բաքուն բացահայտ կերպով արհամարհում է նաև ՄԻԵԴ-ի համապատասխան որոշումները՝ Ադրբեջանում գերեվարված հայ զինվորականների և քաղաքացիական անձանց մասին տեղեկատվություն տրամադրելու վերաբերյալ:
Չնայած միջազգային հանրության բազմաթիվ կոչերին՝ Ադրբեջանը շարունակում է թաքցնել գերիների իրական թիվը՝ հերքելով տասնյակ հայ զինծառայողների և քաղաքացիական անձանց գերեվարման հանգամանքը։ Ավելին, Ադրբեջանը հերքում է նույնիսկ այն անձանց գերեվարումը, որոնց՝ Ադրբեջանում գերության մեջ գտնվելու վերաբերյալ առկա են հստակ ապացույցներ թե՛ տեսանյութերի և թե՛ հայրենադարձած գերիների վկայությունների տեսքով, ինչը մի շարք ծանր հանցագործությունների կատարման կասկածանքի հիմք է տալիս»,- ասվում է հայտարարությունում:

Գերատեսչությունը նշում է, որ Ադրբեջանում գերության մեջ պահվող հայ ռազմագերիները և քաղաքացիական անձինք պետք է շուտափույթ ազատ արձակվեն և հայրենադարձվեն առանց որևէ նախապայմանի:

ԱՀ ԱԳՆ հայտարարությունը՝ Արցախի Հանրապետության անկախությունը ճանաչելու վերաբերյալ
Փաշինյանը կոչ է արել միջազգային հանրությանը ճնշում գործադրել Թուրքիայի վրա
Ադրբեջանցի զինծառայողները դաժանաբար խոշտանգում ու ծեծում են հայ ռազմագերիներին
Ադրբեջանը մարտահրավեր է նետում միջազգային հանրությանը Արցախի հարցում և սադրիչ հայտարարություններ անում. ԱԳՆ
Ֆրանսիան Հայաստանին և Ադրբեջանին կոչ է անում վերսկսել քաղաքական գործընթացները․ Լաքոտը՝ սահմանին իրավիճակի սրացման մասին