Սամատ Աբիշը հեռացվել է Ղազախստանի Ազգային անվտանգության առաջին փոխնախագահի պաշտոնից, հայտնում է Ինտերֆաքսը, հղում անելով հանրապետության նախագահի մամլո ծառայությանը։
Նա հեռացվել է պաշտոնից պետության ղեկավարի որոշմամբ, ասվում է երկուշաբթի նախագահի կայքում հրապարակված հաղորդագրությունում։
Սամատ Աբիշը Ղազախստանի առարին նախագահ Նուրսուլթան Նազարբաևի եղբոր որդին է։ Նա ԱԱԿ-ի ղեկավարի առաջին տեղակալն էր 2015 թվականից։
Անցած շաբաթ ԱԱԿ մամլո ծառայությունը հայտնել էր, որ Աբիշը հունվարի 13-ից գտնվում է ամենամյա արձակուրդում:
Ինչպես հաղորդվել էր, ԱԱԿ-ի արդեն նախկին ղեկավար Կարիմ Մասիմով, ով գլխավորում էր կառույցը 2016 թվականից, հունվարի 6-ին ձերբակալվել է պետական դավաճանության կասկածանքով։
Նախորդ շաբաթ հայտնի դարձավ նաև նրա երկու տեղակալներիէ Անուար Սադիկուլովի և Դաուլետ Երգոժինի ձերբակալման մասին։ Նրանք բոլորը կասկածվում են իշխանության բռնազավթման և պաշտոնեական լիազորությունների գերազանցման մեջ։
ի հեռացումը հերթական աղմկահարույց պաշտոնանկությունն է դարձել Ազգային անվտանգության կոմիտեում՝ զանգվածային անկարգություններից հետո։ Արդեն ձերբակալված են գերատեսչության նախկին պետ Կարիմ Մասիմովը և նրա երկու տեղակալները։
Հանրապետության նախագահ Կասիմ-ժոմարտ Տոկաևը, հանդես գալով հունվարի 11-ին մաջիլիսում (խորհրդարանի ստորին պալատ․ ԻՖ), քննադատել էր հատուկ ծառայությունների աշխատանքը երկրում զանգվածային անկարգությունների և ահաբեկիչների ագրեսիայի գործողությունների ժամանակ։
«Ազգային անվտանգության կոմիտեն՝ որպես լիազոր մարմին, չկարողացավ և չցանկացավ տալ այս քայքայիչ աշխատանքի հստակ գնահատականը, չնկատեց ազգային անվտանգության համար կրիտիկական վտանգն»,- նշել էր այն ժամանակ երկրի ղեկավարը։
Ըստ նախագահի տեղեկությունների՝ երկրի որոշ շրջաններում Ազգային անվտանգության կոմիտեի ստորաբաժանումների ղեկավարները, չնայած բավարար ռազմական զինանոցին, առանց մարտի լքել են ծառայողական շենքն՝ այնտեղ թողնելով զենք և գաղտնի փաստաթղթեր