Բավ է պառակտվել
15-09-2021 15:19

Լին Թրեյսին «չափազանց կարևոր» համարեց Գորիս-Կապան ճանապարհին տեղի ունեցող իրադարձությունները

ՀՀ-ում ԱՄՆ դեսպան Լին Թրեյսին անդրադարձել է Սյունիքի մարզի Գորիս-Կապան ճանապարհին Ադրբեջանի ոստիկանության կողմից իրականացվող ապօրինի գործողություններին։

«Չափազանց կարևոր է այն, ինչ տեսնում ենք Գորիս-Կապան ճանապարհին։ Սա այն է, ինչի մասին մենք բազմիցս նշել ենք նոյեմբերին կայացած՝ կրակի դադարեցման մասին համաձայնագրից հետո»,- «Արմենպրես»-ի հաղորդմամբ՝ լրագրողների հետ զրույցում ասաց Թրեյսին։

Սեպտեմբերի 12-ին ՀՀ ազգային անվտանգության ծառայությունից տեղեկացրել էին, որ նույն օրը, Գորիս-Կապան միջպետական ճանապարհի Որոտան բնակավայրի մոտ Ադրբեջանի հսկողության տակ գտնվող բնակավայրերից մեկի մոտակայքում, Ադրբեջանի Հանրապետության ոստիկանության կողմից իրականացվում էր իրանական պետհամարանիշներով բեռնատարների վարորդների ու բեռի փաստաթղթերի ստուգում։ Ադրբեջանի ԶՈւ-ն օգոստոսի վերջին, 3 օր շարունակ փակել էր Գորիս-Կապան ճանապարհահատվածը, ինչի հետևանքով լուրջ խնդիրներ էին առաջացել տեղի բնակիչների համար։ Ճանապարհը բացելուց հետո, այնուամենայնիվ ադրբեջանական ուղեկալների մոտ բետոնե արգելապատնեշներ տեղադրվեցին իբր երթևեկության անվտանգության համար։

Ադրբեջանցի զինվորները Գորիս-Կապան ճանապարհին. Սահմանն այժմ անցնում է այստեղ (տեսանյութ)
Հայաստանի փոխվարչապետը՝ Գորիս—կապան ճանապարհին ադրբեջանական հենակետի պատճառով իրանական բեռնատարների խնդրի վերաբերյալ
Թշնամին Գորիս-Կապան միջպետական ճանապարհին «Բարի գալուստ Ադրբեջան» գրությամբ ցուցանակ է տեղադրել
Մակունցին դեսպան նշանակելը աղետ է Հայաստանի համար․ Նաիրա Զոհրաբյան
Սյունիքի մարզպետը հայտարարություն է տարածել