ՀՀ Արագածոտնի մարզի Աշտարակ քաղաքում շմոլ գազից զանգվածային թունավորում է տեղի ունեցել.
«Կիրակի երեկոյան Աշտարակի ԲԿ շմոլ գազից թունավորում նախնական ախտորոշմամբ հոսպիտալացվել 10 քաղաքացի, որոնցից 4-ը երեխաներ են, նրանք ստացել են առաջին բուժօգնություն և մեկ ժամ անց դուրս են գրվել»,- հայտնում է ՀՀ առողջապահության նախարարությունը։
Քննչական կոմիտեից նշել են, որ Սասունիկ համայնքի 10 բնակչի բժշկական կենտրոն տեղափոխվելու դեպքի առթիվ նախաձեռնվել է քրեական վարույթ՝ ՀՀ քրեական օրենսգրքի 412-րդ հոդվածի 1-ին մասի հատկանիշներով (Անվտանգության պահանջներին չհամապատասխանող հումքերի կամ ապրանքների շրջանառությունը, աշխատանքների կատարումը կամ ծառայությունների մատուցումը)։ Նշանակվել է տոքսիկոքիմիական փորձաքննություն, կնշանակվի նաև դատաբժշկական փորձաքննություն։։
Shamshyan.com-ը հայտնում է, որ տուժած քաղաքացիները երկուշաբթի պետք է մասնակցեին հարսանեկան տոնակատարությանը։ Ոստիկանությունը պարզում է դեպքի հանգամանքները։