Կիևում Ամերիկայի Միացյալ Նահանգների դեսպանությունը Ուկրաինայում գտնվող ամերիկյան քաղաքացիներին կոչ է արել լքել երկիրը։ Հայտարարությունը տեղադրված է Պետդեպի կայքում։
«Անվտանգության հետ կապված իրավիճակը Ուկրաինայում շարունակում է անկանխատեսելի մնալ Ռուսաստանի ռազմական գործողությունների սպառնալիքի պատճառով և կարող է անսպասելի վատթարանալ։ ԱՄՆ դեսպաությունը կոչ է անում Ուկրաինայում գտնվող ամերիկյան քաղաքացիներին դիտարկել արագ հեռանալու հնարավորությունն, օգտագործելով առևտրային կամ այլ մատչելի մասնավոր փոխադրամիջոցներօգտագործելով առևտրային կամ այլ մատչելի մասնավոր փոխադրամիջոցներ», - ասվում է հաղորդագրության մեջ։
Ավելի վաղ ԱՄՆ Պետդեպարտամենտը Կիևում դեսպանության աշխատակիցների ընտանիքներին կարգադրել էր լքել Ուկրաինան, ինչպես նաև թույլատրել էր անել դա դիվանագիտական առաքելության որոշ աշխատակիցներին։
Վերջին ժամանակներս արևմտյան երկրներում, ինչպես նաև Ուկրաինայում հայտարարություններ են հնչում Ուկրաինայի տարածք ռուսական հնարավոր ներխուժման մասին։ Պեսկովը նման տեղեկատվությունն անվանել է լարվածության դատարկ և անհիմն սրացում։ Նա ընդգծել է, որ Ռուսաստանը ոչ մեկին չի սպառնում։ Միևնույն ժամանակ, Ռուսաստանի ղեկավարի մամլո քարտուղարը չի բացառել նման հայտարարություններն արդարացնելու համար սադրանքների հնարավորությունը և զգուշացրել է, որ Ուկրաինայի հարավ-արևելքում ճգնաժամը ուժով լուծելու փորձերը կունենան լրջագույն հետևանքներ։