Հայաստանի արտգործնախարար Արարատ Միրզոյանը, պատասխանելով խորհրդարանում պատգամավորների հարցերին, հայտարարեց, որ օկուպացված տարածքների մասին անընդհատ բարձրաձայնելը նպաստավոր պայմաններ չի ստեղծի Լեռնային Ղարաբաղի շուրջ բանակցությունների համար:
Նիտի ընթացքում Հայաստանի խորհրդարանի «Պատիվ ունեմ» ընդդիմադիր խմբակցության քարտուղար Հայկ Մամիջանյանը հայտարարեց, որ երկար ժամանակ է, ինչ միջազգային հարթակներում գործադիր իշխանության ներկայացուցիչներից չի լսում Արցախի հայկական տարածքների օկուպացիայի մասի և հարցրեց՝ կա՞ կառավարության անդամ, որը կարող է գոնե խորհրդարան ամբիոնից հայտարարել, որ մեր հայրենիքի մի հատվածն օկուպացված է:
Ի պատասխան՝ Միրզոյանն ասաց․ «Լեռնային Ղhարաբաղի ինքնավար մարզի մաս հանդիսացած և այժմ Ադրբեջանի վերահսկողության տակ անցած տարածքների մասին խոսակցությունն առկա է և օրակարգում կա»: Նրա խոսքով, այդ, ինչպես նաև Լեռնային Ղարաբաղի վերջնական կարգավիճակի վերաբերյալ հարցի քննարկումը կկայանա բանակցային գործընթացի որոշակի պահին:
«Բայց այդ մասին անընդհատ բարձրաձայնելը չի ստեղծի այն նպաստավոր պայմաններ, որոնցով հնարավոր կլինի բովանդակալից բանակցություններ վարել և մոտեցնել հարցի լուծումը: Չասած այն մասին, որ, ընդհակառակը, դա կարող է նոր վտանգներ ստեղծել հայ ժողովուրդի համար Լեռնային Ղարաբաղում և Հայաստանում», - հայտարարեց նա: