Հայաստանի արտաքին գործերի նախկին նախարար Զոհրաբ Մնացականյանը մեղադրել է ՌԴ ԱԳՆ ներկայացուցիչ Մարիա Զախարովային այն բանում, որ լռութան է մատնել Ադրբեջանի կողմից Հայաստանի Հանրապետության ինքնիշխան տարածքի օկուպացման փաստը։
«Եղբայրական Հայաստանի հետ Ռուսաստանի հարաբերությունները խաթարելու դավադրությունների մասին Զախարովայի վերջին երկար մեկնաբանություններում բացակայում է մեկ պարզ նախադասություն, մեկ պարզ փաստ. Հայաստանի ինքնիշխան տարածքը օկուպացվել է Ադրբեջանի կողմից: Ասել կուզի՝ Թուրքիան և Ադրբեջանն են եղբայրական»,- գրել է Մնացականյանը թվիթերում։
Նախօրեին կայացած ճեպազրույցում Զախարովան ասել էր, որ «Արևմուտքը միտումնավոր փորձում է լարել իրավիճակը Հարավային Կովկասում և սեպ խրել Մոսկվայի և Երևանի հարաբերություններում»։