Բա՛վ է պառակտվել
13-11-2019 15:00

ԼՂ հարցի կարգավորման վերաբերյալ Հայաստանի և Արցախի իշխանությունների պատկերացումները 100 % համընկնում են. Փաշինյան

Ղարաբաղյան հակամարտության կարգավորման վերաբերյալ Հայաստանի և Արցախի պատկերացումները 100 % համընկնում են, հայտարարել է Նիկոլ Փաշինյանը երեկ՝ Փարիզում Ֆրանսիայի հայ համայնքի հետ հանդիպմանը։

“Նման իրավիճակ երբեք չի եղել, չի եղել իրավիճակ, երբ Հայաստանի և Արցախի պատկերացումները նույնական լինեն մինչև վերջին նյուանս, “առնվազն այդքան նույնական չեն եղել, որքան այսօր”,- ասել է նա։

Ըստ Փաշինյանի, սա նշանակում է, որ “մենք մոտենում ենք հաջորդ կարևոր արդյունքին, որ հայկական իրականության մեջ չկա բանավեճ ղարաբաղյան հարցի վերաբերյալ, և մենք շուտով կհասնենք այն վիճակին, որ հայության դիրքորոշումները Ղարաբաղի հարցի կարգավորման հարցում նույնական են”:

Այս համատեքստում, վարչապետը նշել է, որ ԵԱԽՎ Մինսկի խմբի համանախագահներն արդեն ավելի խորությամբ են ընկալում և ընդունում հայկական կողմի դիրքորոշումը, որը, կարծես, նրանց համար ավելի հասկանալի է դարձել։

Կառավարության ղեկավարը նաև ընդգծել է, որ ղարաբաղյան հարցում ձևավորվում է բացարձակապես նոր բովանդակություն և նոր ասելիք։

“Ինձ համար, որպես վարչապետի, ամենամեծ զարմանքն այն է, որ միջազգային հանրությունն, այնուամենայնիվ, կորցրել է պատկերացումը ղարաբաղյան հակամարտության բովանդակության մասին, և այն ամենուրեք ներկայացվում է որպես տարածքային վեճ Հայաստանի և Ադրբեջանի միջև”,- ասել է նա։

Միաժամանակ, Փաշինյանն ընդգծել է, որ վերջին մեկուկես տարվա ընթացքում հայկական կողմը աշխատում է ԼՂ հարցի իրական բովանադակությունը որպես փաստ ներկայացնել միջազգային հանրությանը։

“Մինչև բոլորովին վերջերս տպավորություն էր, որ այդ խոսակցության մեջ միայնակ ենք, բայց հիմա կարող եմ արձանագրել, որ մեր ասելիքը ընկալվում, հասկացվում է միջազգային հանրության կողմից, և ես սա համարում եմ հաջողություն”,- հայտարարել է Հայաստանի վարչապետը։

“Միացու՛մ, Արցախը Հայաստանն է, և վերջ”․ Փաշինյան
Հայաստանը պետք է լինի արդյունաբերական երկիր.Նիկոլ Փաշինյան
Վիետնամցի գործարարները պատրաստ են ներդրումներ կատարել Հայաստանում
Հայաստանի համար սա շատ նշանակալի իրադարձություն է․ Վարչապետը ԵԱՏՄ մասնակիցներին
Հայաստանի քաղաքացին գիտակցում է, որ երկրում իշխանության միակ կրողն է. Արարատ Միրզոյան